CAN’T BREATHE! CAN’T BREATHE!

Nan Batay Ouvriye nou estomake pou wè asasina sou asasina polis peyi Etazini ap fè youn dèyè lòt ak tout enpinite sou nenpòt ki sitwayen nan pèp la – toujou nwa kòm pa aza – ak pwoteksyon total kapital lajistis kowonpi peyi sa a, an plen manda Barrack Obama ki, antanke bon jan sousou, ap lese fè kalmeman: se pou sa li la. Nou salye tout mobilizasyon k ap fèt nan peyi sa a anfas sitiyasyon klas dominan yo ansanm ak Leta reyaksyonè yo a ap fè sou sitwayen mas popilè yo.

N ap konprann tou kouman ak poukisa polis sou tout planèt la enpeyalis sa yo ap fòme, antrene, ame ak kòmande gen tandans aji menm jan an.

Foto ki pi ba yo ka ede nou konprann klèman lyezon tout “polis” sou latè; konsa n ap wè klèman ki entansyon sanginè sila yo. Vreman vre, kit nan peyi pa yo dirèkteman, kit nan tout peyi yo dominen, klas dominan peyi Etazini yo, ansanm ak tout lòt enpeyalis yo pa soti pou jije, ale wè kondane, pyès polis k ap touye sitwayen nan tout mas pèp, lè yo vle, jan yo vle, ak yon vyolans endesan.

Se konsa tou, atravè anbasad yo, reprezantan politik yo tout kote ak an patiliye nan peyi d Ayiti ap aji, nan fè enjerans tout kalite, tout nivo, jouk nou menm tou nou pa ka respire!

Nou pa ka respire anba plan lanmò sa a yo rezève pou nou, nou pa ka respire anba destriktirasyon akselere fòmasyon sosyal la enplatasyon kapitalis yo a ap foure nan gagann nou, nou pa ka respire anba dominasyon politik, militè ak sosyal yo blayi anwo nou, nou pa ka respire anba lespwatasyon y ap fè anwo nou menm ouvriye ansanm ak dekonpozisyon y ap blayi anwo ti peyizan ansanm ak tout kalite ti travayè.

NOU PA KA RESPIRE ANKÒ!

N ap pwofite okazyon an pou denonse tout sousou ak kolaboratè tout plim tout plimay ki a tout nivo ap soutni plan lanmò sa a, an reyalite ki fè youn avè l e k ap toufe nou jouk nan san.

N ap mouri! Nou pa ka respire ankò!

Nan BO, nou leve kanpe kont sitiyasyon sa a k ap pase nan peyi Etazini ak nan lemonn antye : tout kote, fòs represiv yo, nan objektif garanti dominasyon ak lespwatasyon lanmò klas dominan entènasyonal yo, ap pase yon vitès k ap touye nou tout!

Se sa k fè nou krache yo tout henn, mepri ak degou nou genyen pou yo.New PNH trained by UN Un training Haitians

Advertisements
This entry was posted in History/Analysis, International, International struggles, Kreyòl and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s