KOMISYON SENDIKAL IZIN TEKSTIL – MOBILIZASYON SALÈ

 
Malgre entimidasyon, menas, sispansyon kare bare, revokasyon abitrè… ouvriye yo deside mobilize pi rèd. Yo pa gen konfyans nan “delege” yo ki te trayi manda yo, kidonk yo vle ale devan palman an pou, ak prezans yo, make pwòp desizyon yo sou 225 goud konsèy yo rele “kolon” an deside pou faktori padan kon vokasyon senatè yo fè pou konsèy la ak tout minis afè sosyal ak travay la.
Apèl yo swiv.
 

Kamarad ouvriye, ouvriyèz nan faktori!

Jan nou tout konnen, madi ki te 10 desanm 2013 la, nou te leve kanpe kont 25 goud Konsèy siperyè salè a ajiste sou salè nou a. Nou te fè 3 jou nan lari nou t ap di ABA 25 goud! ABA konsèy siperyè kolon an! ABA Fiyole Sincyr vandè! Pou jiskounye a ni patwon yo, ni Leta reyaksyonè tchoul boujwa yo pa janm di anyen sou revandikasyon nou yo. Okontrè, se mansonj ak represyon nan fè menas ak revokasyon kont reprezantan sendika yo. Sa fèt patikilyèman nan Multi-were, Kay Richard Cols, Nan One world apparel, kay Baker, poutèt sa nou mande pou tout ouvriye ouvriyèz nan faktori Baker, AGC, Premium, Fairwear, Sidsa, Majic Choreng, Kay Bovoir, nan Island apparel, Pak Sonapi an jeneral, pou jou leve kanpe mèkredi k ap 18 desanm 2013 an pipirit chantan depi 5 è nan maten pou nou chak kenbe yon branch bwa nan men nou pou n al devan Palman an pou nou rele ABA Leta tchoul boujwa! ABA 225 goud! ABA tantativ revokasyon reprezantan sendika yo! ABA Fiyole Sencyr vòlè! VIV 500 goud! Bouch an bouch, youn di lòt. Jou k ap mèkredi sa a, chome pa chome, n ap pile beton an ak branch bwa nan men nou men n ap pase devan Palè a tou pou di prezidan Martelly nou pap jwe ak 500 goud la e si yo pa vle siyen n ap siyen pou yo.

VIV LIT TOUT OUVRIYE FAKTORI YO!

VIV LIT KLAS OUVRIYÈ A SOU TOUT TÈ A!

                                   

                                                                                                                                                15 Desanm 2013

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s